Британскиот принц Хари открива во едно од серијата интервјуа кои ги даде во пресрет на објавувањето на неговите мемоари следната седмица дека плачел само еднаш по смртта на неговата мајка принцезата Дијана, како и дека го измачувало чувството на вина бидејќи не можел да ги покаже емоциите.
Во интервјуто со принцот кој ќе биде емитуван на британската телевизија iTV во вечерниот термин во неделата во 20 часот по средноевропско време, Хари признава дека не бил способен да покаже каква и да е емоција примајќи сочувства по смртта на неговата мајка принцезата од Велс, во 1997 година.
Чувствувал вина меѓу мноштвото во Кенсингтон, му признава на водителот Тон Бредби велејќи „Плачев само еднаш, на погребо“.
„Имаше 50.000 букети цвеќе за нашата мајка, а ние се смешкавме додека луѓето ни ги стискаа рацете“, вели Хари за себе и за повозрасниот брат сега принцот престолонаследник Вилијам.
„Ги прегледав видено снимките дополнително. Тие мокри раце коишто ги стискавме, не сфаќавме зошто се мокри, но беа тоа солзите кои луѓето ги бришеа“, појаснува Вилијам.
„Сите мислеа и чувствува дека тие ја познаваат нашата мајка, а двајцата кои ѝ беа најблиски, кои најмногу ги сакаше, не беа способни да покажат никаква емоција во тој момент“, додава.
Во својата книга Хари пишува дека мисли оти не можел да плаче во јавноста, бидејќи во семејството претходно научил дека емоциите не се покажуваат.
Според весникот The Telegraph, Хари тоа го опишал со зборовите „не ми се допаѓаа тие раце. Не ми се допаѓаа, бидејќи поради нив чувствува вина. Зошто сите тие луѓе плачат кога јас никогаш не плачам и не сум плачел?“, вели Хари кој во еден инсерт од мемоарите потврдува дека додека бил во воената мисија во Авганистан убил 25 лица.
„Сакав да плачам и се обидов бидејќи животот на мајка ми беше многу тажен… но не можев… ниту солза да пуштам. Можеби предобро ја совладав лекција, ја вшмукав преку семејната максима дека плачењето никогаш не е опција – никогаш“, објаснува натаму Хари.
Хари даде неколку интервјуа кои ќе бидат емитувани во пресрет на објавувањето на книгата „Spare“ која непланирано се појави порано во Шпанија. Освен за iTV, даде интервју за Андерсен Купер за емисијата „60 Minutes“ на американската телевизиската мрежа CBS News кое исто така ќе биде прикажано во недела навечер, како и за Мајкл Страхан за емисијата „Good Morning America“ којашто ќе се емитува во понеделник, а во вторник навечер ќе оди емисијата „Late Show“ на Стивен Колберт на каналот CBS.
Во јавноста веќе протекоа извадоци од долго најавуваната книга. Весникот The Telegraph пренесува дека братот на Дијана, Чарлс Спенсер, му се спротиставил на кралското семејство во намерата тогаш 12-годишниот Хари и 15-годишниот Вилијам да чекорат зад мајчиниот ковчег на погребот.
Вујкото Чарлс „збесна“ пишува Хари и го цитира вујко си „Не можете да ги присилувате овие деца да одат зад ковчегот на мајка им. Тоа е варваризам“.
Алтернативата била Вилијам да чекори сам зад ковчегот, а на тоа се спротиставил Хари „Мислев дека не е исправно Вили во тие тешки моменти да биде сам“, пишува Хари и додава и дека „неколку возрасни лица беа згрозени“.
Вилијам молчешкум ги прима ударите
Таблоидот The Mail on Sunday пишува дека Вилијам во една пригода изразил загриженост оценувајќи дека терапевтот на Хари „му ги мие мозокот“.
Во извадокот преведен од шпански, The Mail on Sunday пишува дека постариот принц му предложил на помладиот еднаш да присуствува на сеанса од терапијата.
Вилијам верува дека брат му „не е добро“ и дека не постапува мудро кога се решил да се откаже од кралските должности и да се пресели во САД.
Хари, бидејќи веќе е критикуван, бидејќи во своите мемоари открива дека Вилијам физички го нападнал и ја нарекол сопругата на Хари, поранешната американска актерка Меган Маркл „тешка“ и „агресивно“.
Пријателите на двојката оценуваат дека Вилијам молчи за книгата „за доброто на семејството и земјата“. Така еден од пријателите за The Sunday Times дека „Вилијам молчи, бидејќи знае дека Хари нема да му возврати“. Други пријател рекол за весникот дека Вилијам размислува стратешки и го следи премиерот на својата баба, лани починатата кралица Елизабета Втора.
Во претходно емитуван инсерт од интервјуто за iTV, Хари вели дека го објавува мемоарите бидејќи знае „дека молчќењето нема да ја подобри ситуацијата“.
