Американската потпретседалка Камала Харис вети построг пристап кон миграцијата по должината на јужната граница на САД и рече дека нема да ги запре испораките на оружјето на Израел, во своето прво интервју за еден голем медиум откако стана претседателски на Демократската партија.
Во интервјуто со водителката на CNN, Дејна Баш, Харис се обиде да покаже дека управува со проблемите и да им даде на Американците увид во нејзините политички ставови на нешто повеќе од два месеци до изборите на 5 ноември.
Харис рече дека ќе го обнови притисокот за сеопфатен нацрт-закон за границата што ќе заземе построг пристап кон миграцијата во Соединетите држави и вети дека ќе ги „спроведе нашите закони“ против илегалните гранични премини. „Имаме закони кои мора да се следат и да се спроведуваат кои се однесуваат на луѓето кои нелегално ја минуваат нашата граница и мора да има последици“, рече Харис.
Таа, исто така, се приклучи на силната поддршка на претседателот Џо Бајден за Израел и ги отфрли повиците на некои од влијателните членови на Демократската партија дека Вашингтон треба да престане да испраќа оружје во Израел поради големиот број на палестински цивилни жртви во Газа. Таа рече дека поддржува силен Израел, но и дека „мораме да постигнеме договор“ за да се дојде до прекин на огнот во Газа.
„Не, мораме да постигнеме договор (за прекин на огнот и заложници)“, рече Харис на прашањето дали ќе го задржи оружјето од Израел. Таа беше потпретседател на Бајден од почетокот на неговата администрација.
Абас Алавие, ко-основач на Uncommitted National Movement, група која протестираше против политиката на Бајден, изрази фрустрација со нејзиниот одговор на прашање за Газа. „Ако потпретседателката е заинтересирана за прекин на огнот, таа мора да поддржи итен прекин на испораката на оружје“, рече Алавие.
Харис, којашто беше придружувна од потпретседателскиот кандидат гувернерот на Минесота, Тим Валц, исто така, рече дека би сакала да додаде републиканец во нејзиниот кабинет доколку победи на изборите.
„Мислам дека е важно на масата да има луѓе кои имаат различни ставови, различни искуства кога се донесуваат некои од најважните одлуки. И мислам дека би било во корист на американската јавност да има републиканци во мојот кабинет“, рече таа. рече.
Откако стана претседателски кандидат на Демократската партија минатиот месец, Харис порасна во анкетите на мејнстрим медиумите, доби стотици милиони долари во донации за својата кампања и одржа серија силни предизборни говори.
Некои критичари сугерираа дека таа можеби е помалку компетентна во непланирани поставувања како телевизиско интервју, но се чинеше дека таа не направи големи грешки во четвртокот, пренесува Reuters.
