Марсовскиот хеликоптер „Ingenuity“ не успеал да го изведе четвртиот пробен тест кој требаше да биде остварен во четвртокот, а стручњаците ги испитуваат причините зошто леталото не успеало да се подигне од површината на Црвената планета, соопшти американската агенција за вселенски истражувања NASA и додава дека во петокот ќе биде направен нов обид.
„Марсовскиот хеликоптер не се подигна од површината во својот амбициозен четврти пробен лет, но експертите ги проучуваат податоците и наскоро ќе го повториме обидот“, се наведува во објавата на агенцијата на Twitter.
Првично не беше познат тајмингот за повторниот обид, имајќи ги предвид растојанието и доцнењето во комуникацијата со уредот на Марс, за што се процени дека ќе биде потребно најмалку еден ден. Подоцна NASA објави дека обидот ќе биде повторен во петокот 30-ти април, околу 20,40 часот по македонско време.
Според плановите на NASA, мини вселенскиот хеликоптер ќе се искачи на височина од 5 метри и ќе лета во јужна насока на далечина од 133 метри од својата базна локација со брзина од оолу 3,5 метри во секунда.
Хеликоптерот „Ingenuity“, кој тежи 1,8 колограми, на 19-ти април во текот на својот прв историски лет на земјин уред на друга планета се искачи на височина од 3 метра во летот кој траеше само 39,1 секунди. На 22-ри април, леталото се искачи на височина од 5 метри и прелета 2 метра. Веќе на 25-ти април, хеликоптерот успеа да измине растојание од 50 метри и да се врати на почетната позиција, достигнувајќи рекордна брзина од 2 метра во секунда, односно 7 километри на час.
Хеликоптерот, чие градење чинеше 80 милиони долари, беше спиштен во кратерто Језеро на Марс заедно со роботизираниот ровер „Perseverance“ на 18-ти февраури. Целта на мисијата е да се обиде да најде траги за можно постоење на некаква форма на живот во дамното минато на Црвената планета. Роверот ги контролира летовите на хеликоптерот и ги пренесува на Земјите снимките и другите податоци добиени во текот на пробните летови.
