Шпанскиот фудбалер Хесус Навас објави крај на кариерата пред 45.000 гледачи на стадионот „Санчез Писхуан“ во Севиља.
По исклучително успешната кариера, 39-годишниот Хесус Навас реши да се повлече од спортот, а причина за тоа е хроничната повреда на колкот која го спречи да заигра на највисоко ниво.
„Ќе продолжев да не беше повредата на колкот, а живеев за вас, навивачите на Севиља“, низ солзи изјави Хесус Навас, кој во кариерата играше само за Севиља и Манчестер Сити.
Дресот на Севиља го носеше двапати, од 2003 до 2013 и од 2017 до 2024 година. Во меѓувреме беше член на Манчестер Сити. Одигра вкупно 705 натпревари за Севиља и на неговото збогување му беше даден дрес во рамка со тој број.
За шпанската репрезентација одигра 56 натпревари на кои постигна пет гола, кој играше по десната страна, а претходно во кариерата беше и крилен напаѓач, стана светски првак во 2010 година и европски првак во 2012 и 2024 година. Тој исто така беше член на тимот што ја освои Лигата на нациите на УЕФА во 2023 година.
