Шпанскиот интернационалец од редовите на англискиот премиерлигаш Манчестер Сити, Хесус Навас е убеден дека неговиот тим може да слави на „Ноу Камп” и дека може да ја елиминира Барселона во 1/8 финалната рунда од најпрестижното клупско натпреварување, Лигата на шампиони.
Репрезентативецот на Шпанија најверојатно има заборавено дека Барселона има предност од два гола, дека реваншот не се игра на „Итихат” и дека каталонскиот гигант никогаш во поновата фудбалска историја нема прокоцкано предност од два гола.
“Мислам дека можеме да направиме нешто историско, дека можеме да поставиме некои нови стандарди во фудбалскиот свет. Се е можно. Можно е да славивме на ’Ноу Камп’, можно е да ја елиминираме Барселона. Ќе дадеме се од себе, ќе се бориме до последниот судиски свиреж”, изјави крилниот напаѓач.
