Натпреварот меѓу фудбалските репрезентации на Холандија и Франција, кој се одигра во петокот на стадионот на „РБ Лајпциг“, е првиот натпревар на Европското првенство во Германија кој заврши без гол. Така двете репрезентации со по четири бода се позиционираа на врвот на табелата во групата Д, претекнувајќи ја Австрија која има три бода откако ја совлада Полска со 3:1. Полјаците немаат бодови.
Франција во натпреварот против Холандија влезе без Килијан Мбапе, кој се здоби со скршеница на носот на првиот настап на првенството. Најопасниот француски напаѓач имаше подготвена маска, во случај Дидие Дешан да почувствува потреба да го внесе во игра, но тоа не се случи.
Откако Французите ја совладаа Австрија во првото коло, а Холанѓаните ги совладаа Полјаците, двете селекции и пред меѓусебното соочување беше јасно дека би можеле да се задоволат со поделба на бодовите, што би ги оставило во добра позиција за пласман во осминафиналето во пресрет на последното коло. Сепак, уште од првата минута беше очигледно дека ниту Роналд Куман, ниту Дидие Дешан не правеле калкулации.
Така Џереми Фримпонг беше блиску до постигнување гол во првиот холандски налет. Холанѓаните го искористија малку полежерниот пристап на француските играчи од средниот ред, земаа една топка во опасната зона, а Фримпонг се упати кон шеснаесетникот. За среќа на Французите, Тео Ернандез успеа да го стигне и да спречи посилен удар. Но, топката отиде кон мрежата а Мајк Мењан го вложи последниот напор да го спречи погодокот.
Французите не чекаа долго на својата прва шанса. Не беше воиграна акција во 4. минута, но Антоан Гризман реши да ја тестира будноста на холандскиот голман Барт Вербруген со удар од околу 25 метри, кој со ефектна парада ја исфрли топката преку пречката. Најдобрата шанса за гол ја имаа Французите во 14. минута. И не еден туку два. Маркус Турам одлично одигра наназад со петица и го исфрли во фор Адриен Рабио во шеснаесетникот, а овој осамен се упати кон голот на Холандија. Меѓутоа, наместо да ја започне егзекуцијата од околу 10 метри, Рабио реши да му додаде на Гризман кој беше уште поблиску до голот. Но вториот се сплетка и не успеа ниту да испрати шут. Само 20 секунди подоцна, Гризман имаше уште една шанса. Холандската одбрана го пропушти Н’Голо Канте на левото крило и заборави на Гризман во средината на шеснаесетникот. Подавањето беше идеално, но ударот на Гризман беше непрецизен и топката мина крај стативата.
Две минути подоцна, Коди Гакпо се втурна по холнадската лева страна, измами еден па уште еден дефанзивец и ослободи простор за шут со левата нога од 17-18 метри. Шутираше од долниот агол од голот на противникот, но Мањен повторно имаше одлични рефлекси и одлична одбрана.
Французите сепак успеаја да добијат шанса за гол до крајот на интересното прво полувреме. Во 28. минута Маркус Турам избегна офсајд стапица и се упати кон голот на Холандија. Дојде на десетина метри од Вербруген и реши да шутира, тоа го стори силно но не доволно прецизно, па холандскиот голман не мора да интервенира. Во 43. минута Антоан Гризман добир уште еден употреблив центаршут на 11 метри, но неговиот удар со глава беше премногу слаб за да го загрози Вербруген, кој лесно ја собра топката.
Второто полувреме не започна динамично како почетокот на натпреварот, но се чинеше дека Французите се подобра и поактивна екипа. Создадоа неколку шанси во првите 20 минути, но не беа прецизни ударите кон Турам во 60. и врз Чуамени во 63. минута. Во 65. минута ризман имаше уште една одлична шанса. Французите во три додавања ја надиграа одбраната на Холандија, а нивниот капитен на овој меч остана сам против холандскиот голман.
Четири минути подоцна, среде француската офанзива, Холандија постигна гол. Коди Гакпо се истакна во креирањето на шансата за Мемфис Депај, чиј удар заврши во блок. Чави Симонс беше на одбиената топка и ја испрати од поблискиот долен лев агол од голот до Франција. На тревникот и на портокаловите дел од трибините започна славје но набрзо беше прекинато од помошниот судија кој го подигна знаменцето сигнализирајќи дека погодокот бил постигнат од недозволена позиција.
Во неа се најде соиграчот на Сајмонс, Дензел Дамфрис, крај кој топката мина и заврши во мрежата. Долго време требаше да се провери во ВАР-собата, од каде беше констатирано дека Дамфрис му пречел на францускиот голман Мењан и со тоа ја запре прославата на Холанѓаните.
Следуваше нешто добар период во играта на холандската репрезентација, но немаше конкретни закани. Во последните десет минути од дуелот Французите уште еднаш ја контролираа топката, ја ставија на тест одбраната на Холандија, но не успеаја да најдат играч кој на крајот ќе ја донесе победничката завршница. Натпреварот беше подобар отколку што покажува конечниот резултат, но на крајот никој не беше разочаран.
