Задарското општинско државно обвинителство во четвртокот извести дека истражувало и ќе побара изтражен затвор притвор за 28-годишниот сопственик на куче од расата американски стафорд кој ја усмртил неговата 82-годишна баба, пренесуваат хрватските медиуми.
Обвинителството по спроведената истрага утврдило дека кучето ѝ нанело тешки и опасни по живот повреди на 82-годишната жена, баба на 28-годишниот осомничен, од кои раа починала ноќта кон 30-ти јануари.
Како што се наведува во соопштението за медиумите, постои основано сомнение дека 28-годишниот осомничен постапил спротивно на одредбите од Законот за заштита на животните, односно Правилникот за опасни кучиња, во текот на јануари во семејниот стан во Задар, каде 82-годишната жена живеела со членови на семејството. Тоа го направил иако бил свесен дека неговото куче од расата американски стафорд териер е опасно и може да ги загрози животите на луѓето и дека таквото куче не треба да се остава на грижа на други луѓе.
Во вторникот утрото полицијата добила дојава дека во стан во Задар е пронајдена 82-годишна жена, искасана до смрт од американски стафорд. По спроведената истрага, надлежната ветеринарна служба ја презела грижата за кучето, а полицијата спровела кривична истрага за 28-годишниот граѓанин.
По наредба на државното правобранителство, на Одделот за патологија е извршена обдукција на телото на 82-годишна старица, при што е утврдено дека таа починала како последица од каснување од куче.
Сопственикот на американскиот стафорд кој ја усмртил 82-годишната жена е припадник на хрватската армија, поради што бил приведен од припадници на Воената полиција.
