Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот.
„ Во последно време се почесто се поставува прашањето во регионот – зошто Србија забрзано се вооружува и дали можеме да зборуваме за нова милитаризација на најголемата пост-југословенска држава која беше иницијатор или беше вклучена во сите војни во 90-тите во оваа област. Александар Вучиќ ги зголеми буџетските издвојувања за одбрана од дури 44 проценти, односно српските даночни обврзници ќе жртвуваат нешто помалку од 1,3 милијарди евра за „воените планови” на Вучиќ (што е најголем воен буџет во регионот), и третина од тоа одат за модернизација на армијата и купување ново оружје, што би значело дека Србија, доколку се случи се, би имала најсилна армија во регионот. Сите се прашуваат кој ја загрозува или пак го прави тоа за да шири паника?“, пишува „Јутарњи“.
Порталот наведува дека Србија добила „воени подароци“ од Русија и Белорусија.
