Следејќи ја состојбата предизвикана од КОВИД-19, Црвениот крст на Република Северна Македонија организира хуманитарна акција „Заедно каде е потребно“ со цел да се обезбеди помош за ранливи целни групи на население и оние кои останаа без работа во овој период.
Акцијата, како што информираат од Црвен крст, почнува од денеска и ќе трае до 10 мај 2020 година.
Заинтересираните правни субјекти и граѓани може да донираат храна, средства за хигиена и средства за дезинфекција и донација на парични средства.
– Во акцијата правните субјекти можат да обезбедат донации во храна, средства за хигиена и средства за дезинфекција и парични средства. Заради поголема безбедност, граѓаните во акцијата можат да дадат поддршка исклучиво со донирање на парични средства. Помошта во храна, средства за хигиена и средства за дезинфекција може да се предаде во магацините на Црвениот крст во Момин Поток, Скопје и во општинските организции на Црвениот крст во земјата, веат од оваа хуманитарна организација.
Донациите во парична средства можат да се уплатат на: Сметката на Фондот на солидарност на Црвениот крст на РСМ – 300000001327966
ДБ 4030984271620- Комерцијална банка и 100 денари со повик на телефоните 070/075/077 143 400
Оттаму посочуваат дека донираните средства од хуманитарната акција се наменети за обезбедување на помош во храна, средства за хигиена и дезинфекција.
Од Црвениот крст на РСМ ги повикуваат сите заинтересирани правни субјекти и граѓани да се вклучат и дадат поддршка во хуманитарната акција заедно да помогнеме каде што е потребно.
