Времето во Македонија во четвртокот ќе биде сончево и многу топло со мала локална облачност. Ќе дува слаб до умерен, а долж Повардарието повремено засилен јужен ветер.
Минималната температура е во интервал од 14 до 22, а максималната ќе достигне од 32 до 39 Целзиусови степени. УВ индексот ќе има вредност 9.
Во Скопје и околината претежно сончево и многу топло со слаб ветер од јужен правец и со мала облачност. Минималната утринска температура се спушти до 21, а максималната ќе достигне до 39 Целзиусови степени.
До петок ќе преовладува сончево и многу топло време. Во петок кон крајот на денот ќе има локална појава на пороен дожд и грмежи, а за време на викендот и во почетокот на идната седмица ќе има почеста појава на нестабилност со пороен дожд, грмежи и засилен ветер, локално процесите ќе бидат поинтензивни во форма на невреме. Температурата од петок ќе биде во постепено опаѓање.
