Српскиот тенисер Новак Ѓоковиќ успеа да го реши мечот против Русинот Карен Хачанов пред да се стемни во Лондон и се пласираше меѓу осумте најдобри на „Вимблдон“. Србинот славеше убедливо со 3:0 (6:4, 6:2,6:2).
На Ѓоковиќ му се брзаше да го доврши мечот пред да падне мрак за да не мора до го доигрува утре.
Тешко беше да се игра по вакци услови, не гледавме добро, се стемни и беше ветровито. Јас се лизнав еднаш, еднаш тој, но тоа е трева, рече Србинот.
Тој во четвртфиналето ќе игра со Јапонецот Кеи Нишикори.
Претходно четвртфинале обезбедија Роџже Федерер кој ќе игра против Кевин Андерсон, како и Рафаел Надал, кој го чека победникот од мечот Хуан Дел Потро и Жил Симон, кој ќе се доигра утре, а при водство на Аргентинецот од 2:1.
