Четири членови на милиции кои ја поддржуваат владата на национално единство на Либија загинаа и 30 се ранети во судири со припадници на Исламска држава во близина на градот Мисрата.
Судирите продолжуваат источно од Асдада, на околу 80 км. јужно од Мисрата откако ИД зазеде неколку села и контролни пунктови во реонот во крајот на минатата недела.
Асдада се наоѓа на 150 км. западно од Сирт кој е упориште на ИД во Либија.
Најголемата милициска бригада во Мисрата ја поддржува владата на национално единство која се обидува постепено да ја консолидира власта врз територијата на Либија.
