Израелските одбранбени сили ја продолжуваат прецизната операција против Хамас во Рафах како дел од нашите напори да постигнеме траен пораз на Хамас и да ги вратиме сите наши заложници дома, истакна портпаролот на ИДФ, Даниел Хагари.
„Нашите операции против Хамас во Рафах остануваат ограничени во обем и фокус на: тактички напредок; тактички прилагодувања; и воени предности – и се избегнаат густо населените области.
Од почетокот на нашата прецизна операција против Хамас во Рафах, елиминиравме десетици терористи, уништивме подземни терористички тунели и огромно количество оружје.
Пред нашите операции, ги повикуваме цивилите привремено да се движат кон хуманитарни области и да се оддалечат од вкрстен оган во кој ги става Хамас. Нашата војна е против Хамас, а не против народот во Газа.
Во последните неколку дена го олеснивме влезот на 200.000 литри гориво преку преминот Керем Шалом;
го олеснивме и координиравме отворањето на нова теренска болница во Централна Газа; и работиме
да се овозможи проток на хуманитарна помош за Рафах преку патот Салах Ал-Дин.
Само во последните неколку дена Хамас истрела ракети од Рафа кон преминот за хуманитарна помош Керем Шалом – самиот премин што го користи Израел за да го олесни влезот на хуманитарна помош за жителите на Газа.
А во петокот вечерта Хамас истрела 9 ракети од Рафа кон израелскиот град Бер Шева, погодувајќи детско игралиште.
Ќе продолжиме со нашата мисија да постигнеме траен пораз на Хамас и да ги вратиме нашите заложници дома“, посочи тој.
