Кандидатурата за градоначалник ќе ми даде шанса и прилика да направам нешто повеќе за општина Илинден, за моето родно место, за местото д кое што потекнуваат моите родители,каде што се моите пријатели. Сметам дека на Илинден му треба нова динамика, забрзување на многу процеси, и сметам дека во овој момент на Илинден ќе му треба поголем импулс во сите проекти, истакна Александар Ѓорѓиевски, кандидат на ВМРО-ДПМНЕ за градоначалник на општина Илинден.
„Во однос на економијата и економските зони, мислам дека голем исчекор се направи во Илинден со оглед на нашата местоположба како општина. Минатата Влада со развојот на технолошките индустриски развојни зони „Скопје 1“ и „Скопје 2“ направи сериозен и крупен исчекор и со тоа во голем дел односно најголем дел се реши и невработеноста“,истакна Александар Ѓорѓиевски, кандидат на ВМРО-ДПМНЕ за градоначалник на општина Илинден во „Студио 10“ на 24ТВ.
Ѓорѓиевски додаде дека зоните привлекоа и домашни инвестиции, но и меѓународни. Така да има неколку економски зони кои што постојат во Илинден кои што треба дополнително да се развиваат.
„Голем дел од економските зони немаат добра инфраструктура, има доста нерешени прашања, особено гасификацијата која одамна ја исчекуваат. Сметам дека наредниот период ќе се фокусираме на тоа прашање, не ни треба преголема индустриализација т.е. отворање на премногу индустриски зони во Илинден, за тоа што сметам дека тоа во тој дел е добро сега засега. Како што реков можеби некоја индустриска зона на излезите на општината е потребно кај автопатот, каде што нема да биде многу на удар самата инфраструктура во општината. Таму ќе треба да посветиме поголемо влијание. На пример индустриската зона во потегот Марино – Кадино која што со времето се покажа дека не е на соодветно место, со оглед на тоа што имаме ситуација каде што многу тешки товарни возила поминуваат низ населените места и таму имаме проблем со уништување на патната инфраструктура“, рече Ѓорѓиевски.
Ѓорѓиевски додаде дека во неговата програма е предвидена и клучка кај делот Кадино – Бунарџик. Додаде и дека има соодветна програма која што нуди многу решенија за проблемите на граѓаните и реални проекти.
„Би сакал како градоначалник да допринесам моите сограѓани да имаат подобри услови за живот, Илинден да го направиме подобро место за живеење и понапредно, за тоа што Илинден го заслужува тоа. Илинден е приградска општина која се наоѓа на самата порта пред Скопје и има одлична местоположба. Местоположба која што е и те како многу битна не само за Илинден, туку за целата држава. Ние се наоѓаме на еден крстопат каде што се сечат двата главни коридори Коридорот 8 и Коридорот 10, и тука е и железницата, тука е и аеродромот, тука е технолошко индустриската развојна зона. И сметам дека тоа се и те како многу добри услови за уште побрз и подобар развој на самата општина и уште подобра можност да го подигнеме квалитетот на живеење на граѓани во Илинден“, појасни Георгиевски.
Георгиевски посочи дека во наредниот период откако ќе стане градоначалник ќе се насочи и кон фекалната канализација и спроведување на атмосферски води.
„Илинден, особено поголемиот дел од населението во Илинден живее на простор, на место каде што и те како е изложено на атмосферски води. Околу 7.000 домаќинства, дали околу 1.000 домаќинства се спроведени со фекална канализација. Другото население не е. И за тоа сметам дека во наредниот период и те како ќе направиме да се интензивира овој процес. Значи што повеќе населени места и граѓани да бидат вклучени во системот на водната канализација, пред се тука сметам на делови од Илинден како што е местото викано Плац, Марино во делот на улица 500, Мралино комплетно нема канализација, добар дел од Кадино нема, значи тука ќе биде најголемиот акцент за ставање на водоводна мрежа“, рече Георгиевски.
Укажа дека планира и модернизација на водовод, бидејќи здравата вода е битен ресурс за живеење.
„Во однос на урбанизацијата во наредниот период ќе треба да отпочне со процес на урбанизација, носење на локални урбанистички планови се со цел на нивно вклопување во процесот на легализација, да можат граѓаните да си имаат соодветни документи да можат да си градат. Дури и предвидуваме уште една локална екомономска зона која што ќе донесе нови работни места“, нагласи Георгиевски.
