Во понеделникот Индија успешно тестирала нуклеарен проектил способен да носи повеќе боеви глави.
Премиерот Нарендра Моди им честиташе на научниците од индиската Организација за одбранбено истражување и развој (DRDO) за првиот тест на лет на ракетата на ракетата „Agni-V“ којашто е развиена во Индија и користи технологија MIRV.
Технологијата MIRV гарантира дека една ракета може да исфрли повеќе боеви глави на различни локации, објави новинскиот канал NDTV.
Само неколку земји – САД, Кина, Русија, Велика Британија и Франција имаат ракети MIRV.
Индија, една од двете најбројни нации на планетата, вели дека ракетната програма што ја развива повеќе од три децении е само за одбранбени цели. Проектилот „Agni“ (хиндуски збор за оган) е еден од најсофистицираните ракетни системи во Индија.
Ракетниот кластер „Agni“ со среден до долг дострел е клучен дел од индиската ракетна програма чија цел, како што велат во Њу Делхи, е главно да се одвратат регионалните нуклеарни ривали Пакистан и Кина.
