Годишната стапка на инфлацијата во Европската унија и зоната на примена на заедничката валута еврото во јуни достигнала рекордни нивоа, поттикната од продолжениот силен раст на цените на енергенсите и граната, покажа во вторникот извештајот на европската статистичка агенција Eurostat.
Годишната стапка на инфлацијата во ЕУ, мерена со хармонизираниот индекса на потрошувачките цени (HICP), во јуни достигнала рекордни 9,6 отсто, пораснувајќи за 0,8-процентни поени во однос на мај, според податоците на Eurostat.
Во еврозоната, пак, зголемена е за половина процентен поен, на 8,6 отсто, достигнувајќи го новото највисоко ниво откако се собираат податоците, со што ја потврди прелиминарната процена на Eurostat од почетокот на месецот.
Ланскиот јуни на ниво на ЕУ потрошувачките цени на годишно ниво беа зголемени за 2,2 отсто, а во еврозоната за 1,9 отсто.
Рекордната стапка на инфлацијата во најголем дел го одразува продолжениот скок на цените на енергенсите, за 42 отсто во еврозоната. Поизразено повторно пораснале и цените на храната, за 11,2 отсто во однос на ланскиот јуни.
Инфлацијата на годишно ниво забрзала во 25 земји членки на ЕУ, а забавила само во Германија и во Холандија, покажува извештајот на Eurostat.
Во јуни се удвоил бројот на земјите во ЕИ со двоцифрени стапки на инфлацијата на годишно ниво, па така растот на цените за 10 отсто и повеќе се забележани во споменатите 25-те земји.
Најголеми стапки на растот на потрошувачките цени повторно се забележани во балтичките земји, и тоа во Естонија со 22 отсто, во Литванија од 20,5 отсто и Латвија од 19,2 отсто.
Во Германија, најголемата според обемот европска економија, цените во јуни пораснале за 8,7 отсто во споредба со истиот месец минатата година, одразувајќи го забавениот раст отколку во мај кога без зголемени за 8,7 отсто.
Блиску е и Италија, третата економија во еврозоната, со раст на потрошувачките цени од 8,5 отсто, во близина на просекот за еврозоната.
Ирска, пак, со 9,6-процентна годишна стапка на инфлација е израмнета со просекот во Европската унија.
Во Хрватска годишната инфлација на потрошувачките цени, мерена со HICP, в јуни достигнала рекордни 12,2 отсто, за разлика од ланскиот јуни кога изнесувала 2,2 отсто. Во мај, пак, изнесуваше 10,7 отсто.
Најблиску ѝ се Грција со годишна инфлација во јуни од 11,6 отсто, како и Унгарија и Словачка со 12,6 отсто повисоки потрошувачки цени во однос на истиот месец една година порано. Словенија во јуни имала годишна инфлација од 10,8 отсто.
Австрија, пак, во јуни имала годишен показател на инфлацијата од 8,7 отсто, што е максималното ниво по 47 години, односно од 1975-та. Во мај, пак, инфлацијата изнесувала 7,7 отсто.
Најблаг раст потрошувачките цени минатиот месец забележала Малта од 6,1 отсто. Следи втората економија во еврозоната Франција со инфлација од 6,5 отсто, и Финска каде потрошувачките цени биле повисоки за 8,1 отсто отколку од јуни минатата година.
На годишно ниво растот на потрошувачките цени во ЕУ и еврозоната забавил во јуни, освен во Германија, уште само во Холандија, од мајските 10,2 отсто на 9,9 отсто, според најновиот извештај на Eurostat.
