Германскиот институт за економски истражувања Ifo очекува дека стапката на инфлација во Германија наскоро малку ќе се намали и ќе се лизне под границата од 2 проценти, што е целното ниво на Европската централна банка (ECB).
Енергијата сега е значително поевтина за потрошувачите отколку пред една година, вели главниот економист на Ifo, Тимо Волмершаусер.
Во четвртокот институтот Ifo објави податоци за најновите ценовни очекувања на германските компании, според кои помалку од нив имаат намера да ги зголемат цените во август отколку во претходниот месец. Ова е главно благодарение на индустријата и давателите на услуги во деловниот сектор.
Наспроти тоа, во секторите потрошувачка и градежништво нешто повеќе компании имаат намера да ги покачат цените во однос на претходниот месец.
Германскиот сојузен завод за статистика Destatis треба да ја објави првата проценка за августовската стапка на инфлација подоцна во четвртокот.
Во јули не продолжи серијата на постепен пад на стапката на инфлација. Во тој месец, имено, потрошувачките цени пораснале за 2,3 отсто во однос на истиот месец лани, по падот од 2,2 отсто во јуни.
