Кинескиот парламент го одобри историскиот трет претседателски мандат на Кси Џинпинг, што следува по консолидацијата на власта, што го направи најдоминантен кинески лидер во последните неколку децении.
Во кинескиот систем на владеење, претседателската улога е главно церемонијална, а големата моќ на 69-годишниот Шји доаѓа од неговите функции генерален секретар на Комунистичката партија и претседател на Централната воена комисија. И двете ги доби на конгресот на партијата во октомври.
Потврдувањето на третиот претседателски мандат беше очекувано, а во следните денови ќе се изберат нов премиер и разни министри, кои треба да дојдат од лојалните редови на Кси.
Од смртта на Мао Це Тунг во 1976, лидерите во Кина беа ограничени на два мандата, што беше укинато токму од Кси пред пет години.
Кси ја зацврсти својата власт откако Кина се отвори по напуштањето на нулта ковид политика, а посебен предизвик за земјата остануваат тензичните односи со САД и падот на наталитетот, што го загрозува економскиот раст.
