Актуелниот италијански фудбалски првак милански Интер силно тргна во одбраната на титулата и во првото коло од новата сезона во Серија А на свој терен ја надигра Џенова за која како стартер настапи македонскиот интернационалец Горан Пандев со 4:0, а еден од фаворитите Аталанта оствари победа од 2:1 на госуивањето кај Торино.
Мечот во Милано беше практично затоврен уште по првите 15-ина минути, кога Интер водеше со 2:0 со погодоците на Милан Шкрињар во 6 и Хакан Чалханоглу во 14 минута. Шкрињар погоди со глава по изведениот корнер, а Чалханоглу своето деби во дресот на „нераѕурите“ го одбележа со одличен гол од 20-ина метри.
Во продолжението победата на Интер ја потврдија Артуро Видал во 74, и уште еден нови играч, Един Џеко во 87 минута.
Во Торино, Аталанта поведе уште во 6 минута преку Луис Фернандо Мјуриел Фруто. Домашните успеаја да израмнат во 79 минута преку Андреа Белоти, но не успеаја да издраж до крајот зашто во третата минута од сидуското продолжение на мечот Марио Пашалиќ наврли во казнениот простор на Торино, а пред домашниот бек до топката стаса Роберто Пиколи и на тимот од Бергамо му донесе три важни бода.
Лацио како гостин го совлада со 3:1 повретникот во Серија А, тимот на Емполи. Домашните изненадија во 4 минута кога поведоа преку Филипо Бандинели, но веќе две минути подоцна израмни Сергеј Милинковиќ-Савиќ. Лацио прашањето на победникот потоа го реши до крајот на првото полувреме, со двата погодока, на Мануел Лаѕари во 31 а во 41 минута пенал реализираше Чиро Имобиле.
Верона беше поразена на домашен терен од Сасуоло со 2:3. Гостите во првото полувреме во водство ги донесе Џакомо Распадори во 32 минута, а домашните во финишот на овој дел останаа без исклучениот Мигуел Велосо. Филип Џуричиќ во 51 минута го удвои водството на Сасуоло, а за домашните намали од пенал во 71 минута Матија Закањи. Но веќе во 77 минута гостите повторно дојдоа до два гола предност со погодокот а Хамед Траоре, а Закањи само успеа да го постигне во 90 минута својот втор гол на мечот за ублажување на водството.
Во недела се играат мечевите: Болоња – Салернитана, Удинезе Јувентус, Рома – Форентина и Наполи – Венеција. Во понеделник, пак, играат Калјари – Специја и Сампдорија – Милан.
