На синоќешниот финален меч Погба целосно потфрли. Како тоа да не беше доволно, Погба по примениот гол во 109. минута им се нафрли на Муса Сисоко и Блез Матуиди затоа што не го запреа ударот на Едер, а потоа го нападна и многу поискусниот Андре Пјер Жињак за пропуштената шанса во регуларниот дел од мечот.
Француските медиуми пишуваат дека причина за слабата игра на Погба е неговата неприродна позиција, односно класичен деструктивец во средниот ред веднаш пред централните дефанзивци. За разлика од ова, Погба во Јувентус игра многу понапред и е многу поофанзивен, позиција која очигледно многу подобро му лежи.
Инаку, голем дел од медиумите веќе пренесоа дека неговиот трансфер во Манчестер Јунајтед е завршена работа. Јувентус ќе добие неверојатни 123 милиони евра, а Погба ќе заработува 14 милиони евра по сезона. Од трансферот ќе се офајди и неговиот агент Мино Раиола, кој ќе добие исто така неверојатни 25 милиони евра.