Италијанската полиција уапси тројца екстремисти, кои регрутирале борци од Балканот за Исламска држава, објавија италијанските медиуми, пренесува МИА.
Двајца од уапсените се Албанци, а едниот е италијански државјанин од мароканско потекло. Италијанските власти ги заплениле нивните мобилни телефони и таблет, на кои имало важни информации и снимки.
Италијанската полиција тврди дека во Албанија откриен е камп за обука на исламисти.
Италијанскиот министер за внатрешни работи Анџелино Алфано истакна дека апсењето значи дека системот на превенција функционира.