Потребно е интензивирање и подигнување на нивото на соработка меѓу македонските и грчките институции во однос на сите аспекти на бегалската криза, како на границата, така и на сите нивоа на соработка меѓу органите на двете земји.
Ова, како што информираат од кабинетот на претседателот Иванов, бил заклучокот на денешната средба на претседателот на Република Македонија, Ѓорге Иванов и грчкиот премиер Алексис Ципрас.
Оттаму велат дека во разговорите посебно била истакната потребата од поголема координација меѓу полицијата и останатите безбедносни служби на двете држави.
На средбата со Ципрас, беше заклучено дека Македонија и Грција како соседни земји, мора да соработуваат бидејќи неопходна е синхрознирана акција на македонските и грчките институции со цел надминување на проблемите предизвикани од бегалската криза, се вели во соопштението.