Израелските одбранбени сили (IDF) објавија нов краен рок за луѓето во северниот дел на Појасот Газа да побегнат на безбедно и да тргнат по препорачаната рута.
Луѓето треба да бегаат од 10 до 16 часот по локално време. Жителите на Беит Ханун треба да одат кај Кан Јунис, напиша портпаролот на армијата на арапски на X.
„Бидете уверени дека лидерите на Хамас се грижеа за себе и побараа заштита од напади во регионот“, додава тој.
Израел постојано го обвинува Хамас дека користи цивили како жив штит.
Имаше многу критики за барањето на Израел луѓето да го напуштат северниот дел на Газа, а Обединетите нации го повикаа Израел да ја отповика наредбата, наведувајќи ја опасноста од развој на „катастрофална ситуација“.
Саудиска Арабија и Египет се приклучија на критиките.
Наредбата на израелската армија повеќе од милион Палестинци да го напуштат северниот дел на крајбрежниот појас се смета за показател дека израелската армија планира копнена офанзива.
