Израелските одбранбени сили (ИOС) и Националната управа за управување со вонредни состојби објавија план за евакуација на цивили од областите долж границата со Либан, се вели во заедничката изјава.
„Националната управа за управување со вонредни состојби на Министерството за одбрана и ИОС најавуваат спроведување на план за евакуација (финансиран од државата) на жителите на северен Израел кои живеат во областа до два километри од либанската граница, се вели во соопштението.
„Имплементацијата на планот беше одобрена од министерот за одбрана Јоав Галант“, соопшти ИОС, додавајќи: „Северната команда ги информираше шефовите на локалните власти за одлуката“.
Тензиите на Блискиот исток повторно се разгореа откако милитантите на Хамас се инфилтрираа во Израел од Појасот Газа на 7 октомври. Палестинското движење го опиша својот напад како одговор на акциите на израелските власти против џамијата Ал Акса на ридот на храмот во Ерусалим. Израел најави целосна блокада на Газа и почна да изведува напади врз палестинската енклава, како и врз одредени области во Либан и Сирија. Судири има и на Западниот Брег. Повеќе од 2.700 Палестинци се убиени, а околу 10.800 се здобиле со рани; во Израел, бројот на загинати е околу 1.500, а речиси 4.000 луѓе се ранети.
