По безбедносната проценка, израелската армија ги затвори за јавноста областите околу некои градови на северот на Израел чии жители беа евакуирани поради ракетни истрели од либански Хезболах.
Најавено е дека затворените воени зони долж границата со Либан сега ќе ги опфаќаат областите Зераит, Шомара, Штула, Натуа и Ебен Менахем.
Во исто време, проиранското шиитско движење Хезболах објави дека со голем број беспилотни летала ги нападнала предградијата на Тел Авив.
Претходно во саботата, израелската армија им нареди на жителите на 23 села во јужен Либан да се евакуираат во областите северно од реката Авали, која тече низ западната долина Бека и се влева во Средоземното Море.
Израелската армија соопшти дека е „неопходно да се изврши евакуација заради безбедноста на населението, со оглед на зголемената активност на Хезболах“.
Војската тврди дека групата ги користи областите за да скрие оружје и да изврши напади против Израел. Хезболах негира дека крие оружје меѓу цивилите, особено по минатата војна со Израел од 2006 година.
