Единиците на израелската армија продолжуваат да ги прошируваат копнените операции во Појасот Газа, изјави портпаролот на израелските одбранбени сили (ИДФ) Даниел Хагари.
„Во текот на ноќта, единиците на ИД ги проширија копнените операции во Појасот Газа. Дополнителни копнени сили им се приклучија на единиците. Продолжуваме со воените операции според планираното“, рече тој.
„Постепено ги прошируваме копнените операции и опсегот на присуството на нашите сили во Појасот Газа“, истакна армискиот портпарол. „Копнените операции во северниот дел на Појасот Газа продолжуваат. Копнените операции се тешки и ризични за нашите единици. Ќе направиме се што е можно од воздух, море и копно за да ја обезбедиме безбедноста на нашите сили и да ги постигнеме целите на војната“, додадена.
Хагари рече и дека 311 израелски војници се убиени во борбите од 7 октомври.
