Објавените податоци покажуваат дека вредноста на увезената стока, во периодот јануари-февруари 2017 година изнесува 1.014.149.000 долари што е за 10,8 отсто повеќе во споредба со истиот период лани.
Трговскиот дефицит за овој период изнесува 267.043.000, а покриеноста на увозот со извоз е 73,7 отсто.
Во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, фероникелот и облеката. Во увозот најмногу се застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав и електричната енергија.
Во периодот јануари-февруари 2017 година, според вкупниот обем на надворешно-трговската размена, Република Македонија најмногу тргувала со Германија, Велика Британија, Грција, Србија и Бугарија.
