Ја донесов можеби најтешката одлука во мојот живот, многу се размислував и се трудев да си создадам слика за се она што следува во иднина и на крајот победи предизвикот, вели Митко Јанчев кандидат за градоначалник на Кавадарци од редовите на ВМРО-ДПМНЕ.
„Функцијата градоначалник повлекува огромни обврски, огромен напор и многу труд, познавајќи се себе си и целата енергија што ја имам и големата желба за нови предизвици верувам дека одговорно и домаќински ќе ги извршувам моите должности, потенцира Јанчев.
Ги најави и проектите како: Две градинки, затворен пазар и гаража за паркирање, отворање на фабрика за откуп на вишокот грозје и претворање во алхолен дестилат, реконтрукција на градскиот стадион, како и отворање на нови работни места преку привлекување на странски и домашни инвестиции.Инаку тој целото видео како и сите проекти во пресрет на вториот круг од локалните избори го прикачи на својот ФБ профил.
