Колку би било добро секое утро да се разбудите со совршена фризура. Иако ви се чини дека е невозможно, сепак постојат неколку трикови што може да ви помогнат за тоа.
Првото и основно правило што морате веднаш да го испочитувате е мошне едноставно, а тоа е памучната перница да ја замените со свилена или сатенска.
Дури и ако си легнете со совршено исфенирана коса, памукот во текот на ноќта се ќе расипе, затоа што ја упива влагата од косата и ќе ја направи посува и кршлива. Исто така доведува и до триење, а со тоа и до кршење и кинење.
Брановидна коса
Доколку отсекогаш сте сакале да имате брановидна коса како Жизел Бундшен, се што е потребно е пред спиење на измиената и исушена коса пред спиење да нанесете малку пена, долж целата коса и потоа да ја сплетете во цврста плетенка.
Волумен
За да го сочувате волуменот што го имате косата не Ви е потребен ниту супер фен, тукуи само три витлери. Земете витлери со средна величина и извиткајте ја косата на средината од главата, попрскајте ја со некоја полесна верзија лак и тоа многу малку. По спиењето остатокот од косата извиткајте го со четка за виткање, а потоа тргнете ги витлерите.
Целосно рамна коса
Измиената и исушената коса израмнете ја со пена за коса, а потоа заврзете ја и завиткајте ја во сатен. Вашата коса и наутро ќе биде рамна и ќе биде доволно само малку да ја поправите со пегла.
