Европската унија е подготвена да го води обезбедувањето воена помош за Украина „ако САД повеќе не сакаат да го прават тоа“, објави во четвртокот шефицата за надворешна политика на ЕУ, Каја Калас, единаесет дена пред Доналд Трамп да се врати во Белата куќа.
Во исто време, високата претставничказа надворешна политика и безбедност изрази „сигурност“ дека САД „ќе продолжат со својата поддршка“, пренесува агенцијата AFP.
„Кој и да е на чело на САД, мислам дека не е во интерес на Америка Русија да биде најмоќната сила во светот“, рече Естонката.
САД, под претседателот Џо Бајден, ѝ дадоа најголема поддршка на Украина во нејзината одбрана од руската инвазија, испраќајќи воена помош во вредност од 65 милијарди долари. Сепак, ова не беше доволно за Украина да ја сврти ситуацијата на бојното поле, каде што тешко го запира рускиот напредок.
Враќањето на републиканецот Доналд Трамп на американското претседателство ја зголемува загриженоста во Киев за можното драстично намалување на американската поддршка и притисокот од новоизбраниот претседател да направи отстапки за Москва.
