Партијата на Красимир Каракачанов,, ВМРО-БНД, би влегла во постизборна коалиција со ГЕРБ, како и со која било друга политичка формација во Бугарија, доколку бидат поддржани нејзините седум приоритети.
За БГНЕС, Каракачанов ги наведе: промена на Уставот и зајакнување на овластувањата на шефот на државата, заштита на националните интереси на меѓународна сцена, поддршка за средниот и малиот бизнис, справување со демографската криза, заштита на традиционалните вредности и други.
Поранешниот вицепремиер и министер за одбрана смета дека е време Бугарија да престане да „игра лево и десно, проевропски и антиевропски“.
„Дали имаме проблем со демографијата? Имаме. Дали имаме проблем со циганизацијата? Имаме. До кога ќе молчиме и нема да правиме ништо, бидејќи некој може да нѐ искара. Дали имаме проблем со пресврти во надворешната политика? Некои цврсто велат дека ќе ја прифатиме Македонија без компромис, други велат дека нема да прифатиме. Јас сум еден од вторите“, вели Каракачанов.
Еден од важните приоритети на ВМРО-БНД е да не започнува преговори меѓу Македонија за членство во Европската унија сѐ додека таа не се откаже од антибугарското однесување.
Каракачанов му честиташе на новиот привремен министер за надворешни работи Светлан Стоев за неговиот став за Македонија.
„Мило ми е што новиот министер за надворешни работи многу јасно изјави дека нема да има промени во бугарската надворешна политика“, нагласува Каракачанов.
