НБА лигата ги објави списокот на ѕвездите во четвртокот, при што Стивен Кари од Голден Стејт Вориорс по дестти пат е избран во тимот на Западната конференција, а играчот на месецот во НБА за јануари, Девин Букер од Феникс Санс четврти пат е избран за Ол-Стар екипата.
Покрај овие двајца, во резервите на тимот од Западната конференција се и центарот на Лос Анџелес Лејкерс, Ентони Дејвис, кој го бележи својот деветти настап во Ол-Стар тимот, соиграчите од Минесота Тимбервулвс, Ентони Едвардс и Карл-Ентони Таунс и соиграчите од Лос Анџелес Клиперс, Кави Леонард и Пол Џорџ.
Соиграчите од Њујорк Никс, Џејлен Брунсон и Џулиус Рендл ја предводат резервната клупа на Истокот. Резерви од Источната конференција се центарот на Мајами Хит, Бам Адебајо, крилото на Орландо Меџик, Паоло Банкеро, бекот на Бостон Селтикс, Џејлен Браун, бекот на Филаделфија 76ерс, Тајрис Макси и бекот на Кливленд Кавалирс, Донован Мичел.
Селекторите избраа по седум резервни играчи од секоја конференција. Ол-Стар натпреварот ќе се одигра на 18-ми февруари во Индијанаполис.
Од претходно се познати имињата на стартерите кои беа избрани по комбинација на гласовите на навивачите и гласовите на комисијата за медиуми и играчи. Така, во првата петорка на Истокот се капитенот Јанис Адетокумбо (Бакс), Џејсон Тејтум (Селтикс), Џоел Ембиид (76ерс), Тајрис Халибартон (Пејсерс) и Демијан Лилард (Бакс).
Стартери на Западот се капитенот Леброн Џејмс (Лејкерс), Кевин Дурент (Санс), Никола Јокиќ (Нагетс), Шаи Гилџеус-Александер (Тандер) и Лука Дончиќ (Маверикс).
Макси, Брансон и 21-годишниот Банкеро ги имаат своите први настапи на „Ол-Стар“ натпревар.
Комесарот на НБА, Адам Силвер, ќе може да избере замена за секој играч кој не може да игра на „Ол-Стар“ натпреварот. Но, како што изгледа сега, Силвера има многу работа. Никс објавија дека Рендл ќе пропушти две до три седмици поради изместено рамо, додека Филаделфија откри дека Ембиид има повреда на менискусот на левото колено и не се знае кога би можел да се врати на теренот.
