Милвоки Бакс со 118-112 славеше на гостувањето кај Чикаго Булс во дербито на Источната конференција во НБА лигата.
Јанис Адетокумбо со 34 поени беше најефикасен, а грчкиот интернационалец додаде и 16 скока и пет асистенции на овој меч.
Кај поразените Зак Лавин заврши со 30 поени, а еден помалку уфрли Демар Дероузен.
Демаркус Казинс одигра како во најдобрите денови во победата на Денвер Нагетс на домашен терен против Хјустон Рокетс од 116-101. Казинс натпреварот го заврши со 31 поен и беше прво име во отсуство на Никола Јокиќ во таборот на Нагетс. Кај поразените Кристијан Вуд заврши со 22 поени.
Во останатите мечеви од синоќешната понуда: Детроит – Индијана 111-106, Филаделфија – Кливленд 125-119, Вашингтон – Атланта 114-117, Торонто – Орландо 97-103, Њу Орлеанс – Јута 124-90, Оклахома – Минесота 101-138 и Феникс – Њујорк 115-114.
