Македонските компании, организирани од Сојузот на стопански комори (ССК), се дел од 1.000 присутни фирми од Европа и од Кина на Форумот.
Арсовска: Економско – трговскиот форум е добра можност за размена на знаења
Воспоставени се добри контакти на форумот од кои следната година треба да произлезе конкретна соработка, вели Данела Арсовска, претседателка на ССК.
Економско трговскиот форум, посочува Арсовска, е добра можност за размена на знаења и пренесување позитивно искуство поврзано со практицирање бизнис како и можност за отворање нови перспективи и инвестициски потенцијали за македонските компании. Многу значајно, потенцира, е што тука се присутни 1.000 компании не само од Кина туку од Централа и Источна Европа кои што меѓусебе креираат можности за воспоставување на соработка од областа на инфраструктурата, градежништвото, ИТ секторот и туризмот.
Се надевам дека македонските компании ќе ги искористат конекциите кои што ги воспоставивме за време на форумот и дека секако ќе произлезат конкретни проекти особено во оној дел каде што македонските компании ќе ги пласираат своите производи на кинескиот пазар и исто така од трансфер на знаење, размена на искуства и се она што е потребно за подобрување на соработката со Кина, изјави Арсовска.
Груевски се обрати на Самитот на шефови на влади на државите од Централна и Источна Европа
Инаку, Петтиот…
