Кире Лазаров продолжува да собира признанија за фантастичната ланска сезона во која македонскиот “бомбардер” освои се што можеше да се освои.
Нашиот ас беше избран во идеалниот тим на АСОБАЛ-лигата, како најдобар десен бек во елитното шпанско ракометно натпреварување.
Лазаров освои 28,9% од вкупниот број гласови за својата позиција, пред Луис Фелипе Хименез Реина од Ла Риоха (12,1%) и соиграчот на Кире од Барселона, Едуардо Гурбиндо (8,5%).
Интересно е што во идеалниот тим за првото коло се најдоа само ракометари на Барселона, па така најдобар голман е Гонзало де Варгас, најдобри крила Гудјон Валур Сигурдсон и Виктор Томас, бековската линија покрај Лазаров ја комплетираат Карабатиќ и Ентрериос, а за најдобар пивот избран е Јеспер Нодезбо.
Доминацијата на Барселона ја комплетираше Хави Пасквал со наградата за најдобар тренер и Виран Морос, кој повторно беше избран за најдобар дефанзивец во АСОБАЛ-лигата.
