Британската рок икона Ерик Клептон изјави дека нема да настапува во салите кои од посетителите бараат потврди за вакцинираност против Covid-19, објави во четвртокот BBC.
Реакцијата дојде откако претходно британскиот премиер Борис Џонсон најави дека од септември на влазовите во клубовите и концертните сали ќе се бара доказ за вакцинираност.
Меѓутоа, Клептон е истраен дека нема да настапува онаму „каде што публиката е дискриминирана“.
Неговата објава веднаш ја споделија антиваксерите на социјалните мрежи.
Клептон во мај годинава објави дека имал тешки нус-појави предизвикани од вакцината на „AstraZeneca“.
Неговиот следен концерт во Велика Британија е закажан за мај 2022 година во лондонски „Royal Albert Hall“ кој веќе најави дека посетителите можеби ќе мораат да го предочат својот „ковид-статус“.
Ерик Клептон годинава има закажани осум концерти во САД каде што доказот за вакциниранот не е услов за влез во повеќето концертни сали.
