Коалицијата „Менуваме“ бара поддршка и медијаторство од дипломатскиот кор, УНИЦЕФ, ЕУ Делегацијата, Уставната комисија, политичките партии и претседателот на државата, за остварување на правата на еднаквост, достоинствен живот и активно вклучување во целокупниот економски, културен, општествен политички живот на лицата со попреченост.
-Нам овие права ни се гарантирани согласно конвенцијата на лицата со хендикеп и Уставот, меѓутоа поради невидливост во системот, остварувањето на овие права не е прилагодено на нашите потреби и можности, како лица со попреченост, се наведува во соопштението на Коалицијата.
Образложуваат дека Член 9 од Уставот на државата-членка не ја споменува попреченоста како основа за дискриминација и бараат признавање на лицата со попреченост како лица еднакви во слободите и правата во Уставот, како и измена и дополнување на Уставот на државата и усогласување со Конвенцијата за првата на лицата со хендикеп.
Од таму информираат дека земјава ја има ратификувано Конвенцијата на правата на лицата со попреченост на ОН во 2011 година, по што е должна да ги оствари преземените обврски за гарантирање на правата на лицата со попреченост.
