Пратеникот Дарко Костовски на гостување во емисијата „Што не е јасно“ на телевизија Алфа се осврна на законските измени во однос на намалување на казни во врска со поседување на оружје.
„Да станува збор за држава која добро се справува со стапката на кримнал и не е чудно да се наламуваат казни во однос на огнено оружје. Но, тука воопшто не е така. Криминалците кога СДСМ е на власт уживаат во својот меден месец. СДСМ кога е на власт стапката на криминал и корупција е многу голема“, рече Костовски. Пратеникот потсети на локалните избори во 2017 година и рече „штабовите им беа полни со криминалци, СДСМ во својата суштина никогаш не се бори со криминалот“. Според него ВМРО-ДПМНЕ кога ќе дојде на власт сериозно ќе работи на сузбивање на криминалот. „Ова што сега го прави СДСМ е еден вид на мерка како поддршка за криминалците. Очигледно имаат тендеција да одат понатаму со корупцијата, Заев произведува корупција како може да се бори со истата“, рече Костовски.
