Пет лица на возраст од 27 до 39 години се уапсени во Гостивар во рација спроведена во 2 часот по полноќ кон вторникот, откако во еден објект се откриени кокаин и марихуана, како и предмети кои се користат при трговија со наркотици.
Плициски службеници од Надворешната канцеларија за криминалистички работи – недозволена трговија со дрога и оружје во соработка со Полициска станица Гостивар лишени од слобода се Г.Д.(27), С.С.(27), И.С.(39), Ф.И.(27) и А.Б.(32), сите од Гостивар.
При претрес извршен во деловен објект и подрумска просторија во Гостивар, кој го користи И.С., извршен со судска наредба, биле затекнати приведените лица, а биле пронајдени и одземени кокаин, марихуана и предмети со остатоци од наркотична дрога.
Лицата се приведени и задржани во полициска станица, а по документирање на случајот против нив ќе биде поднесен соодветен поднесок за неовластено производство и пуштање по промет на наркотични дроги, психотропни супстанции и прекурсори.
