Дрогата била откриена во магацин во Нунавадинг, источно од Мелбурн. Станува збор за 903 килограми метамфетамин во вредност од 900 милиони австралиски долари (637 милиони американски долари). Наркотикот бил скриен во картонски пакети со ламинат, увезен од Кина.
Австралискиот министер за правда Мајкл Кинан изјави дека тоа е најголемата запленета пратка на метамфетамин во историјата на земјата.
Една недела претходно во Мелбурн беа конфискувани 300 килограми од истата дрога. Во тој случај беа уапсени тројца Виетнамци.
