Коронавирусот трајно ќе ни ги промени животите како и 11-ти септември: Работата од дома е само една појава на која се навикнуваме

Следењето на вирусот веројатно ќе стане дел од нашите животи, како што беа и безбедносните мерки по нападите на 11-ти септември, пишува “CNN”. Важно, е како што се наведува, да се инвестира во инфраструктурата потребна за откривање на идните вирусни епидемии. Таа инвестиција ќе ја штити економијата во случај да се докаже дека заштитата од Ковид-19 е привремена.

Многу економии усвоиле верзии на скратена работа во текот на пандемијата. Благодарение на тоа, работниците остануваат вработени и платени, а владата компензира со помали плати.

Работата на далечина ќе стане почеста, а има докази дека работата од дома е подеднакво продуктивна како и работата во канцеларија.

Кризата предизвикана од пандемијата го забрзала темпото на дигитална трансформација со понатамошна експанзија на е-трговијата и побрзо усвојување на телемедицината, видео-конференциите и онлајн-учењето, се наведува во текстот.

Од друга страна, компаниите во меѓународниот ланец на снабдување наидуваат на потешкотии. Веројатно многу од нив ќе ја променат локацијата на своето производство, а тој тренд нема да создаде нови работни места, туку поголем дел од производството ќе биде автоматизирано. Јавниот долг, како што се наведува, ќе “се надува”, и ќе создаде финансиски проблеми ширум светот.

Најважна поука која може да извлече од пандемијата е значењето на заедничката работа во решавање на проблемите кои го погодуваат целото човештво, се наведува текстот и се заклучува дека светот е многу посилен кога е обединет.