Костадиноски: Отворање нова индустриска зона, нови работни места за граѓаните, Јегуновце да стане функционална општина

Најнапред сакам да ви се заблагодарам за вашето присуство и за победничката атмосфера која владее во Јегуновце а исто така денеска ќе упатам голема благодарност и до сите вклучени во мојата кампања, порача Димитар Костадиноски, кандидат за градоначалник на општина Јегуновце на денешниот митинг.

Костадиноски додаде дека тој е неуморен земјоделец, млеко производител и административен службеник.

„Немам скапа кола, ниту бизниси како мојот противкандидат. Но имам срце големо како неговиот џип и раце раширени, кои ќе ги решаваат проблемите на жителите на Јегуновце колку целиот негов имот“, порача Костадиноски.

Костадиноски од граѓаните побара да го поддржат, бидејќи така од Јегуновце ќе направат подобро место за живеење.

„Затоа Ве повикувам и барам од Вас, Македонци, Албанци, Роми и Срби да ми се приклучите, да создадеме нова иднина и заеднички ќе ја направиме општина Јегуновце подобро место за живеење! Заедно со Вас, со советничката група на ВМРО-ДПМНЕ и тимот на соработници што го имам, стручни, посветени, истрајни и чесни луѓе, ќе работиме на:

– Модерна образовна инфраструктура и современи услови за учење;

– Обезбедување на чиста и здрава вода за пиење во секое населено место и во секој дом;

– Изградба и доградба на фекални канализации, пуштање во употреба на постоечките фекални канализации, каде приклучокот ќе изнесува нула денари;

– Отворање на индустриска зона во населеното место Подбреѓе;

– Обезбедување на бесплатни канти за секое домаќинство;

– Изградба, реконструкција и рехабилитација на локалните патишта и улици;

– Одржување на сите зелени површини во парковите и чистење на локалните патишта;

– Воведување на електронско плаќање на сите општински услуги;

– Отворање на бесплатна фудбалска школа за деца;

– Поставување на детски реквизити во парковите по сите населени места во општина Јегуновце;