Лидерот на СДСМ, Димитар Ковачевски, одговарајќи на новинарско прашање порача дека по 8 мај, кога треба да да се одржат парламентарните избори заедно со вториот круг од претседателските избори, во партијата ќе следуваат внатрепартиски избори.
– Кај нас Статутот бара одржување на отчетен Конгрес со анализа на резултатите и треба да се одржат внатрепартиски избори во кои се бара изјаснување за избор на претседател на партијата како и други партиски органи како централен одбор, извршен одбор, потпретседатели и така натаму. Тоа е стандардна процедура – рече Ковачевски.
Тој ги повика граѓаните да излезат на изборите на 8мај и да гласаат за бројот еден, додавајќи дека разбира зошто граѓаните се револтирани.
