дделот за сузбивање на организиран и сериозен криминал (ОСОСК) во содејство со СВР Охрид до Основното Јавно Обвинителство Охрид денеска поднесе кривична пријава против И.Д. и Д.Д. и двајцата на 45 години и двајцата од Охрид, поради постоење основи на сомнение за сторено кривично дело ,,неовластено производство и пуштање во промет наркотични дроги, психотропни супстанци и прекурсори” по член 215 од Кривичниот законик.
Во периодот од јули до ноември 2021 година, И.Д. набавил кокаин од едно лице, по што заедно со второпријавената Д.Д. во неговиот дом го препакувале во помали пакувања и го препродавале по цена од 4.000 до 5.000 денари за еден грам, за што се обезбедени докази.
Во четвртокот, на 25.11.2021 на улицата „Марко Цепенков“ во Охрид, полициските службеници од ОСОСК и СВР Охрид извршиле контрола на патничко возило „ренџ ровер“, со охридски регистарски ознаки, управувано од Д.Д., при што биле пронајдени денари и евра во различни апоени, додека при претрес во неговиот дом, извршен со судска наредба, биле пронајдени и одземени кокаин и повеќе банкноти од денари и евра за кои постои сомнение дека потекнуваат од кривичното дело, по што лицата се лишени од слобода, за што МВР веќе информираше утринава.