Во Куманово гореа 11 автомобили на четири локации. Како што информира МВР, возилата биле опожарени синоќа во временски период од 23,30 до 00.45 часот.
На ул.„Пионерска“ опожерени се четири патнички моторни возила „Фолксваген -Голф“ сопственост на Ѓ.Г.(38) од Куманово, „Форд Фиеста“ соственост на И.Б.(28) од Куманово, „Опел Астра“ сопственост на И.С.(35) од Куманово и „Рено Меган“ сопственост на Г.Т (38) од Кратово.
На ул.„Димитрие Туцовиќ“ опожарени се четири автомобили: „Голф“ сопственост на А.Ш.(37) од Куманово, „Тико“ сопственост на Н.П.(53) од Куманово, „Шевролет Авео“ сопственост на И.Р.(46) од Куманово и „Мерцедес“ сопственост на Ѓ.А.(27) од Куманово.
На ул.„11-ти Октомври“ опожарени се две возила: „Матиз“ сопственост на А.Т.(40) од Куманово, „Пежо 807“ сопственост на Н.Н.(44) од Куманово и на ул.„Гоце Делчев“, опожарен е автомобил „Ауди“ сопственост на Д.М.(40), сите од Куманово.
Од страна на противпожарната единица Куманово пожарите се изгаснати, при што повеќето од возилата се целосно изгорени.
Од страна на полициските службеници од СВР Куманово околу 01,00 часот е приведено осомничено лице и се работи на целосно расчистување и документирање на настанот, по што ке биде поднесена соодветна кривична пријава.
