Кошаркарит на Лос Анџеле Лејкерс ги победија Портланд Трејл Блејзерс со 135:115 во четвртиот меч од првиот круг во доигрувањето на НВА лигата и поведоа со 3-1 во серијата до четири победи, додека Мајами Хитс со победата од 99:87 над Индијана Пејсерс станаа третата екипа којашто се пласираше во полуфиналето на Источната конференција.
Леброн Џејмс со 30 коша, 10 асистенци и 6 скокови ги предводеше Лејкерс до третата последователна победа над Портланд, во чии редови најдобар беше Јусуф Нуркиќ со 20 коша и 13 скокови.
Една победа ги дели Лејкерс од вториот круг во кој би играле против подобриот од соочувањето меѓу Оклахома Сити Тандерс и Хјустон Рокитс во кое Тандерс со победта од 117:114 во четвртиот дуел во серијата израмнија на 2-2.
Денис Шредер за победниците уфрли 30 поени, а Крис Пол 26 коша. Кај Хјустон најдобар беше Џејсм Харден со 32 поени и 15 асистенции.
Мајами до победата од 99:87 над Индијана и пласманот во конференциското полуфинале ги предводеше Горан Драгич со 23 коша, додека Бем Адебајо впиша 14 поени и 19 скокови. Виктор Одалипо со 25 коша и 8 скокови беше најдобриот кај Пејсерс.
Мајами во источното конференциско полуфинале се среќава со победникот во серијата на Милвоки Бакс и Орландо Меџикс, во која Бакс поведоа со 3-1 откако во четвртиот меч ги надиграа Меџикс со 121:106. Јанис Антентокумпо со 31 кош, 15 скокови и 8 асистенции беше најдобар играч на натпреварот, а Орландо ги предводеше Никола Вучевиќ со 31 кош, 11 скокови и 7 асистенции.
