Правдата доаѓа. Потврден е поткуп во случајот со Врховниот судија и поранешен член на судскиот совет Наќе Георгиев од Струмица, близок човек на Зоран Заев менторот на Венко Филипче, истакна на денешната прес конференција Миле Лефков, пратеник, член на Извршниот комитет на ВМРО-ДПМНЕ.
„Наќе Георгиев преку спогодба со Јавен обвинител признал дека направил криминал. Георгиев признал дека земал поткуп од 10.000 евра за да издејствува поблага затворска казна за Боро Марлборо. Признание дека Наќе Георгиев ги земал парите како награда за поблагата казна изречена на Боро Марлборо, покрај самиот тој, дал и Иџет Мемети, потпретседател на Советот на јавни обвинители. Тие заедно како што кажал Мемети помогнале Боро Марлборо да добие поблага казна“, рече Лефков.
Посочи дека судијата Наќе Георгиев и праввобранителот Иџет Мемети се пример за корумпираното судство и обвинителство во периодо на владеењето на коалицијата на СДСМ и ДУИ што предизвика судството и обвинителството имаат само 2 отсто доверба кај народот.
„Наќе Георгиев е човек од најголема доверба на Заев и Филипче. Тој експресно напредува со власта на СДС, и од судија станува судија во Врховниот суд и член на Судскиот совет. Корумпираниот Георгиев со години одлучувал и делел правда, бирал судии, унапредувал или казнувал. Какви кадри извадил Наќе Георгиев, но и колку пресуди ублажил или спречил со земање мито? Колку криминал не е санкциониран заради Наќе Георгиев?“, праша Лефков заклучувајќи дека послдиците од владеењето на СДСМ и ДУИ се големи но и дека за тоа ќе понесат одговорност.
