Пратеникот Миле Лефков во своето обраќање на собраниската комисија за образование и наука истакна дека со силната партизација во образованието која се случува сега, губат идните генерации.
Лефков апелираше до министерството образование и наука и пратениците од мнозинството, хипотеките од минатото и лошите решенија кои ги имала Мила Царовска да не се пренесуваат како хипотека на новиот министер.
„Да не правиме грешки како што беше грешка со законот за граѓанска одговорност, каде што закон потпишан од еден министер, доаѓа да биде предложен овде во Собрание кога имаме нов министер, па потоа имаме информации во јавноста од типот ‘извинете, не сме знаеле’.
Несериозно е од колегата Дарко Каевски да кжува дека во ваков предлог закон можеме да интервенираме со амандмани. Креатор на политиката во МОН и одговорноста ќе биде во министерот, а одгворноста е наша ако ние дозволуваме неквалитетни решенија заради партиски амбиции и поради тоа што сметаме дека ќе ловиме политички поени, па од овде споменувате плати на наставници итн. Платите на наставниците имавте прилика вчера да ги решите со тоа што ќе беше прифатен амандманот од опозицијата“, рече Лефков.
Додаде дека овој закон треба да се ревидира, да се слушне дел од забелешките на опозицијата кои биле испреплетени заедно со процедуралните забелешки бидејќи не може да се дозволи да помине закон во кој што во воведот пишува – правна и економска сигурност преку засновување на работен однос, а понатаму пишува овозможување на тие наставници професионален развој.
„Не смееме да ги разделуваме едните од другите наставници, не смееме да градиме таков систем на нееднаквост и нерамноправност, бидејќи образованието не е шведска маса на политички поени иако за жал го доведовте на тој начин“, заклучи Лефков.
