Гостиварската полиција поднела до Основното јавно обвинителство Гостивар кривична пријава против лекарот Е.М.(45) од гостиварско Чегране, под сомнение дека издал лажни негативни ПЦР тестови.
-Тој се сомничи дека на 7 и 9 март, како лекар во гостиварската Општа болница „Ферид Мурад“ на две лица им изготвил лажни негативни ПЦР тестови, кои им биле потребни за патување во странство и им наплатил 3.000, односно 1.500 денари или вкупно 4.500 денари. Е.М., кој вчера бил лишен од слобода и задржан во Полициската станица Гостивар, a со кривичната пријава денеска ќе биде однесен пред Јавен обвинител – велат од МВР.
