Минатогодишниот шампион со тимот на Торонто Рапторс и новата ѕвезда на Лос Анџелес Клиперс, Каваи Ленард обожува да ја победува својата поранешна екипа и Грег Попович, што се докажа и ноќта кон петокот, која со 38 коша и 12 скокови ги предводеше Клиперс до домашната победа над Сан Антониот Спарс, кои доживеа првиот пора во сезона, со што Филаделфија 76серс остана единствената екипа без пораз во новата НБА сезона.
Покрај Ленард за победата на Клиперс продонесоа Монтрезл Харел со 24 коша и Лоу Вилијамс со 12 поена. Најдобар играч на Спарс беше Демар Дерозен со 29 поени, Дерик Вајт со 20 коша ги предводеше играчите од клупата на Спарс.
За разлика од Сан Антонио кој го доживеа првиот пораз, Њу Орлеанс Пеликанс дошле до првата победа како домаќин на Денвер Нагетс со 122:107. Џалил Окафор втор меч во низа беше стартниот центар на Пеликанс и со 26 коша, беше еден од најзаслужните за победа на својата екипа, Брендон Инграм за победниците постигна 25 коша, а Френк Џексон ги предводеше играчите од клупа со 21 кош, додека Џру Холидеј заврши со 19 поени, седум асистенции и пет скока. Мајкл Пртер со 15 коша беше најдобар стрелец кај гостите, а по 14 поени додадоа Џерами Грант и Џамал Мареј.
По вторпат во три дена Мајами ја победи Атланта и со ефект 4-1 се втората екипа во Источната конференција, а големи заслуги за одличниот влез во сезоната Хитс има новајлијата Кендрик Нан, кој дојде во НБА лигата по заобиколен пат, недрафтиран. Нан постигна 28 коша во победата на Мајами 106:97 во Атланта. За поранешниот играч на универзитетот Мичиген ова е ефект на кариерата, а со вкупно 112 коша во првите пет натпревари постави нов рекорд меѓу играчите кои не биле драфтирани.
За победниците Тајлер Хиро даде 17 коша, а Мејерс Леонард додаде 16 поени. Џабари Паркер ги предводеше Хоукс со 23 коша и осум скокови. Атланта беше без својот плеј, повредениот Треј Јанг.
